Entertainment leh Social media atanga sum lalutte hnenah chhiah khawn dawn- Sorkar ah dik taka chhiah chhung turin hriattir

by Editor

Tualchhung News

ZORAM TODAY| Aizawl the 27th August, 2025 : Vawiin khan Deputy Commissioner of State Tax, Aizawl South Zone chuan hriattirna ti chhuakin, The Mizoram Goods and Services Act, 2017-in a sawi angin intihlimna lam chi hrang hrang - Mela, Concert, Sport Events, Movie chhuah, Trade Fare leh a dangte ticket emaw man neia buatsaih ang chi reng rengah tax (GST) a awm vek a, a ti a.

Aizawl District chhunga Events buatsaihtu ten Deputy Commissioner of State Tax Office, MINECO. Khatla, Aizawlah an mahni zone huam chhungah zel chutiang an huaihawt hma chuan an hriattir hmasa ngei tur a ni.

Danin a rem tih ang nilova chutiang events buatsaihtute chu dan hmanga hrem theih an ni tih kan inhriattir e. Social Media Youtube, Facebook, Instagram, leh adangte atanga sum laluttute pawhin chhiah (GST) hi sorkarah an chhun luh a ngaih chin a awm bawk. Sorkarah dik takin chhiah chhung la, khua leh tui tha Io ni ang che, tiin a tarlang.